Respekt! Kasalxonaga muolaja uchun borgan Mane kamerunlik oilaga sahovat ko'rsatdi

Angliyaning «Liverpul» klubi va Senegal terma jamoasi hujumchisi Sadio Mane kamerunlik oilalarning biriga moliyaviy yordam ko'rsatdi.

Afrika Kubogining 1/8 final doirasida Kabo-Verda (2:0) terma jamoasiga qarshi bo'lib o'tgan o'yindan keyin senegallik hujumchi kasalxonaga tashrif buyurishga majbur bo'ldi. Chunki, u o'yin davomida boshidan jarohat olgandi. Tibbiyot muassasida Mane jabrlangan bola borligidan xabar topdi va uning muolajalariga moliyaviy yordam qildi.

«Bafussamada Mane bir oila uchun sahovat ko'rsatdi. Mototsikl yosh bolani urib yuborgandi, uning suyaklari singan va tanasida jarohatlar bor edi. U halok bo'lishga yaqin edi, bolaning ota-onasi esa muolaja uchun mablag' topa olishmasdim.

Sadio muammolar girdobiga tushib qolgan oila bilan uchrashib, nima muammo ekanligini so'radi. Manega vaziyatni tushuntirishdi va u oilaga 400 ming frank (600 evrodan sal ko'proq) to'lab berdi», — dedi voqea guvohlaridan biri EquinoxeTV Daily Mail bilan suhbatda.