"Inter" "Liverpul"ga qarshi bahs oldidan asosiy himoyachisini yo'qotdi

Milanning “Inter” klubi himoyachi Alessandro Bastonidan ayrildi. 22 yoshli futbolchi “Roma”ga (2:0) qarshi kubok o'yinida to'pig'idan jarohat oldi.

Football Italia xabariga ko'ra, futbolchining jarohati jiddiyligi hali aniqlanmagan. Shu bilan birga, “neradzurrilar” Alessandro Chempionlar ligasi pley-off bosqichida “Liverpul” bilan ikkala o'yinni ham o'tkazib yuborishidan qo'rqmoqda. Birinchi o'yin 16 fevral kuni Milanda, javob o'yini 8 mart kuni "Enfild"da bo'lib o'tadi.

Joriy mavsumda Bastoni Italiya chempionatining 21 uchrashuvida ishtirok etdi. Himoyachida bitta gol, uchta golli uzatma va uchta sariq kartochka bor.