Lempard «Everton» boshqaruvidagi ilk mag'lubiyatga izoh berdi

Angliya chempionatining 24-turi doirasida «Nyukasl» va «Everton» klublari to'qnash kelishdi. Unda mezbonlar 3:1 hisobida g'alaba qozonishdi. «Everton» bosh murabbiyi Frenk Lempard mazkur o'yin borasida o'z fikrini bildirib o'tdi.

«Natija xafa qildi. Qiyin o'yin bo'ldi. Bu jamoa safida ish boshlaganimga bir hafta bo'ldi. Boshni egmaymiz va o'z muammolarimizni hal etishga harakat qilamiz.

O'zimizga bo'lgan ishonch bilan ishlashda davom etamiz. .Tezroq ijobiy natijalarga erishish uchun bizga tezkor o'zgarishlar kerak», – dedi Lempard.