“Barselona” himoya chizig'ini tubdan yangilamoqchi

“Barselona” himoya chizig'ini jiddiy ravishda yangilamoqchi.

Diario Sport nashri xabariga ko'ra, yozgi transferlar vaqtida kataloniyaliklar uch yoki to'rtta himoyachi bilan shartnoma imzolashlari mumkin. Bu “Barsa” bosh murabbiyi Xavining ustuvor vazifasi.

Yozda “ko'k-anorranglilar” uch nafar markaziy himoyachisi - Oskar Mingesa, Samuel Umtiti va Kleman Lengle bilan xayrlashishni istamoqda.

“Barsa” bo'shagan pozitsiyalarni to'ldirish uchun bir yuqori saviyali futbolchini sotib olmoqchi. Klub rahbariyati hozirda “Chelsi” a'zosi Andreas Kristensen va “Sevilya” etakchisi Jyul Kundeni sotib olish ustida ishlamoqda. “Yuventus” bilan Matteys de Ligt borasida muhokama olib bormoqda.

Qolaversa, yozda Kristensen kabi erkin agentga aylanadigan “Chelsi” himoyachisi Sezar Aspilikueta ham “Barsa” safiga qo'shilishi mumkin. Kataloniyaliklar Xordi Albaga o'rinbosar sifatida “Valensiya” himoyachisi Xose Gayyani ko'rmoqda.