"Manchester Yunayted" "Barselona" himoyachisiga juda katta maosh taklif qildi

"Manchester Yunayted" "Barselona" himoyachisi Ronald Arauxoga taklif bilan chiqdi.

"Goal" nashri jurnalist Dario Monteroga tayanib xabar berishicha, ingliz klubi 22 yoshli futbolchiga yiliga 10 million evro maosh to'lashga tayyor.

Avvalroq, Arauxoga "Chelsi" va "Manchester Siti" klublari ham qiziqish bildirayotgani xabar qilingandi.

Urugvaylik futbolchining “Barselona” bilan shartnomasi 2023 yilning yoziga qadar amal qiladi.

Tomonlar hali yangi shartnoma bo'yicha kelishib olishmagan.

Joriy mavsumda 22 yoshli Arauxo Kataloniya klubi safida barcha turnirlarda 25 ta o'yinda maydonga tushib, 3 ta gol urishga erishdi.