"Borussiya D" Kristensen o'rniga Zyule bilan shartnoma imzolagan

Kecha, 7 fevral kuni "Borussiya D" "Bavariya" himoyachisi Niklas Zyule bilan kelishuvga erishganini rasman e'lon qildi. Futbolchi "asalarilar" safiga joriy mavsum yakunlanganidan so'ng borib qo'shiladi.

Jurnalist Fabritsio Romanoning ma'lum qilishicha, dortmundliklar o'z himoya chizig'ini kuchaytirish uchun dastavval "Chelsi" vakili Andreas Kristensen bilan uzoq muzokaralar olib borgan. Yakunda ikki taraf ham kelishuvga erisholmagach, "Borussiya" Zyulega e'tiborini qaratadi va u bilan shartnoma imzolaydi.

Avvalroq Zyule "Dortmund" bilan 2026 yilgacha mo'ljallangan shartnoma imzolashi va u erda yiliga 10 million evro maosh olishi haqida xabarlar chiqqan edi.