Mbappe «PSJ»ga «Real»ga o'tishga qaror qilganini hali aytmadi

«PSJ» rahbariyati hujumchi Kilian Mbappe bilan shartnoma uzaytirishdan hali umidini uzmadi.

23 yoshli futbolchining amaldagi shartnomasi yozda yakuniga etadi va u erkin agentga aylanadi. Mbappening o'zi ham «Lill»ga qarshi o'yindan (5:1) so'ng kelajagi borasida hali bir qarorga kelmaganini aytdi.

«PSJ» vakillari futbolchi bilan muzokaralarni davom ettirmoqda. Frantsiyalik futbolchining o'zi esa klubdan ketishga qat'iy qaror qilgani haqida aytmagan.

Parijliklar Kilianni yangi shartnoma imzolashga ko'ndira olishiga ishonmoqda. Mbappe yangi shartnomaga imzo cheksa, u jahonning eng ko'p maosh oluvchi futbolchisiga aylanishi mumkin.

Eslatib o'tamiz, Kilian Mbappega «Real» jiddiy qiziqish bildirmoqda.