Zyule «Borussiya»da qancha maosh olishi ma'lum bo'ldi

Himoyachi Niklas Zyule yozdan «Bavariya»dan «Borussiya» (Dortmund)ga erkin agent sifatida ko'chib o'tishi haqida xabar berilgandi.

26 yoshli futbolchi dortmundliklar bilan to'rt yillik shartnoma imzolaydi va yiliga 10 million evro maosh oladi.

Germaniyalik himoyachi yangi shartnoma bo'yicha taklif qilingan moliyaviy shartlardan qoniqmagani uchun «Bavariya»ni tark etishga qaror qildi.

Xabarda aytilishicha, myunxenliklar Zyulega yiliga 10 million evrodan kamroq maosh taklif qilishgan. Ayni paytda Niklas yiliga taxminan olti million evro maosh olmoqda.