"Nyukasl" Myullerning transferi borasida "Bavariya" bilan bog'landi

Myunxenning “Bavariya” klubi hujumchisi Tomas Myuller faoliyatini Angliya Premer-ligasida davom ettirishi mumkin. 32 yoshli germaniyalik futbolchining xizmatlariga "Nyukasl Yunayted" qiziqish bildirmoqda, deb xabar beradi Bild.

Tomasning o'zi hali "Nyukasl"ga o'tish maqsadga muvofiqligiga ishonchi komil emas, chunki futbolchi sovrinlar uchun kurashmoqchi.

Myuller "Bavariya"da 2007 yildan beri o'ynaydi. Uning klub bilan shartnomasi 2023 yilgacha mo'ljallangan. Myunxen klubi tarkibida Myuller Germaniya chempioni, kubok va superkubok sohibi, shuningdek, Chempionlar ligasi g'olibi hisoblanadi.

Myuller joriy mavsum Bundesligada 20 ta o'yinda maydonga tushib, 6 ta gol va 16 ta golli uzatmaga mualliflik qilgan.