«MYu» xavbeki Braziliyaga yo'l olishga yaqin

«Manchester Yunayted» yarimhimoyachisi Andreas Pereyra faoliyatini Braziliyaning «Flamengo» jamoasida davom ettiradi.

Tomonlar 26 yoshli futbolchini sotib olish shartlarini allaqachon kelishib olgan. Bu haqda Britaniya matbuoti xabar bermoqda.

«Flamengo» Pereyra uchun 12 million funt to'laydi. Kelishuv yaqin kunlarda yakunlanishi kutilmoqda.

Eslatib o'tamiz, kecha «Flamengo» ichki chempionat 4-turida «Fluminense»ga 0:1 hisobida imkoniyatni boy bergan edi.