Italiya terma jamoasining sobiq o'yinchisi A Seriyaga qaytmoqda

Turinning «Yuventus» klubi va Italiya terma jamoasi sobiq a'zosi Sebastyan Jovinko A Seriyaga qaytmoqda.

35 yoshli yarimhimoyachi «Sampdoriya»ga o'tish arafasida. Genuyaliklar futbolchini og'ir jarohat olgan Manolo Gabbyadinining o'rniga olib kelmoqchi.

Jovinko o'tgan yil yozida «Al Hilol»ni erkin agent sifatida tark etgandi. Shuningdek, u «Toronto», «Parma» va «Empoli» kabi jamoalar sharafini ham himoya qilgan.