Marselo futbolchilik faoliyatini yakunlaganidan keyin model bo'lmoqchi

Madridning "Real" himoyachisi Marselo klub tarixidagi eng muvaffaqiyatli futbolchi bo'lishni istamoqda.

Braziliyalikning maqsadi – jamoa tarkibida sovrinlarni qo'lga kiritish bo'yicha Fransisko Xentoni ortda qoldirish. Hozirda Marselo hisobida 23 ta sovrin bor.

COPE nashrining tarqatgan ma'lumotiga qaraganda, braziliyalik himoyachi futbolchilik faoliyatini yakunlaganidan keyin AQSh kompaniyasi tomonidan ishlab chiqarilgan erkaklar ichki kiyimlarini reklama qilish bilan shug'ullanadi.

Marselo «Real» tarkibida 2007 yildan beri o'ynab kelmoqda. U besh marta Ispaniya chempionligini va Superkubokni, To'rt marta EChL va klublar o'rtasidagi Jahon chempionatini yutgan. Uch marta UEFA Superkubogida g'olib chiqqan va ikki marta Ispaniya Kubogini qo'lga kiritgan.

Uning "Real" bilan amaldagi shartnomasi shu mavsumning oxirida yakunlanadi.