Davron Fayziev: "Kamp Nou"ni qozonga o'xshatishadi"

Taniqli jurnalist, sport sharhlovchisi Davron Fayziev o'z "Telegram" sahifasida "Barselona" – "Atletiko" uchrashuvi haqida (4:2) fikr bildirdi.

"Kamp Nou"ni qozonga o'xshatishadi. Qaynadi bugun shu qozon. Ana shunday atmosfera anchadan beri bo'lmagandi. Simeone uchun eng omadsiz stadionligicha qolmoqda. Xavining bo'lajak sxemalari sal ko'rinayotgandek. Juda "tiki-taka" ham emas. Gibrid. Traore pazldek joyiga tushdi-qo'ydi. Alves va Oblak o'yinni qizitib berishdi. "Atletiko"ni esa tanimadim.
3 ochkoning egasi ma'lum, yutuq esa o'yinni ko'rgan muxlislarniki bo'ldi", - deb yozdi Fayziev.