Manba: "Gavi "Barselona" bilan yangi shartnoma imzolash uchun katta maosh talab qilmoqda"

"Barselona" yarim himoyachisi Gavi jamoasi bilan shartnomasini uzaytirish borasida muzokaralar olib bormoqda. Manbaga ko'ra, futbolchi "ko'k-anorranglilarning" birinchi taklifini rad etgan. Bu haqda Sport.es nashri xabar bermoqda.

Manbaga ko'ra, "Barselona" taklif qilayotgan shartlar 17 yoshli yarim himoyachining talablariga javob bermaydi, shuning uchun klub Gavi yangi shartnoma imzolashi uchun unga katta maosh taklif qilishi kerak bo'ladi. Gavi uchun ustuvor vazifa - jamoada qolish, shuning uchun tomonlar yaqin orada yana muzokara olib borishadi.

17 yoshli Gavi joriy mavsumda La Liga va Chempionlar ligasida 26 ta o'yinda maydonga tushib, 1 ta gol urdi va 3 ta golli uzatmani amalga oshirdi. Yarim himoyachining "Barselona" bilan shartnomasi 2023 yilda tugaydi, Transfermarkt yarim himoyachining bozor narxini 40 million evro deb baholamoqda.