Xavi: «Simeone futbolni mendan boshqacha tushunadi»

«Barselona» ustozi Xavi 23-tur doirasida «Atletiko» (4:2) ustidan qo'lga kiritilgan g'alaba haqidagi fikrlari bilan o'rtoqlashdi.

«Alveshni maydondan chetlatilgunicha barchasi o'z joyida ketayotgandi. Keyin biroz ortga chekinishga majbur bo'ldik. Lekin, 60-daqiqagacha biz ko'rishni xohlagan "Barselona"nining o'yinini namoyish etdik.

Biz to'liq tarkibda juda yaxshi edik, 3-4-3 va 3-5-2 sxemalari ostida o'ynadik. Chetlatilishdan keyin biz "yiqilmadik", yaxshi himoyalandik va muammolarga duch kelmadik.

Simeone futbolni mendan boshqacha tushunadi, shu sababli qarashlarimizda tushunmovchiliklar bor. Bu uning sha'niga tanqid emas. U buyuk murabbiy, juda ko'plab sovrinlarni yutdi, men esa hali murabbiylik sohaida yangiman. Men uni hurmat qilaman.

Biz kamtarligimizda qolishimiz kerak. Bu chempionga qarshi o'yindagi muhim g'alaba, biz sabrli bo'ldik va 60-daqiqagacha kuchli o'yin namoyish etdik. Qo'lga kiritgan natijamiz haqida gapirmasak ham bo'laveradi.

Adama Traore etuk futbolchi. U raqibni qachon va qaerda kutib olishni, qachon pas berishni, sifatli qarorlar qabul qilishni yaxshi biladi, jismoniy jihatdan esa shunchaki yirtqich! Bu ajoyib xarid bo'ldi», – dedi Xavi.