Niderlandiya chempionatida bosh hakam futbolchiga jarohat etkazdi

Niderlandiya chempionatining shanba kuni bo'lib o'tgan «Utrext» hamda «Kambyur» jamoalari o'rtasidagi uchrashuv qiziq voqealarga boy bo'ldi.

Birinchi bo'limda uchrashuv bosh hakami mehmonlar yarim himoyachisi Mees Xudemakersga jarohat etkazdi. Hakam jarima zarbasi belgilanganiga ishora qilayotganida u hakamning yonidan yugurib o'tib ketayotgandi. Hakam futbolchini ko'rmay, qo'li bilan uning yuziga urib yubordi.

Mees Xudemakers o'sha voqeadan keyin o'n besh daqiqa maydonda to'p surdi va birinchi bo'lim oxirlarida almashtirib yuborildi.

Aytish joizki, «Utrext» ushbu bahsda 0:2 hisobini 3:2ga aylantirib, irodali g'alabani qo'lga kiritdi.