Nagelsmann: "Bavariya" men uchun ko'p pul to'lab bo'ldi"

«Bavariya» bosh murabbiyi Yulian Nagelsmann Bundesliganing 21-turi doirasidagi «Leyptsig» ustidan qozonilgan g'alaba (3:2) haqida fikr bildirdi.

«Biz uchun muhim g'alaba. Ikkinchi o'tkazib yuborilgan golning oldini olishimiz mumkin edi.

O'yin juda shiddatli kechdi, har ikki jamoada ham ko'plab imkoniyatlar bo'ldi.

Men eng hujumkor tarkibni chiqarishga qaror qildim. Himoyaga to'rtta markaziy himoyachini qo'yib yuborish mumkin edi, ammo hujum chizig'i futbolchilarini qurbon qilmaslikka qaror qildim.

Men Nkunkuni juda yaxshi bilaman. Biz uni o'z vaqtida Parijdan olib kelgandik. U ajoyib futbolchi, lekin menimcha, u juda qimmat futbolchi. "Bavariya" men uchun ko'p pul to'lab bo'ldi», - deya hazil qildi nemis murabbiyi.

Eslatib o'tamiz, "Leyptsig" Nagelsmanning transferi uchun "Bavariya"dan 20 million evro olgandi.