«Fiorentina» ustozi: "O'tkazib yuborilgan gollarning barchasida o'zimiz xatoga yo'l qo'ydik"

«Fiorentina» bosh murabbiyi Vinchentso Italiano A Seriya doirasida «Latsio»ga (0:3) qarshi o'yin haqida fikr bildirdi.

“Bu o'yin 0:3 hisobida yakunlanmasligi kerak edi, ayniqsa birinchi bo'limdagi o'yinimizni hisobga olsak.

Albatta, «Latsio» oldinga chiqib olganida va biz ahmoqona xatolarga yo'l qo'ya boshlaganimizda, o'yinga qaytish qiyin bo'ldi.

Biz ko'p ishlashimiz kerak, jamoaga yangi kelgan futbolchilar esa eng yaxshi fazilatlarini imkon qadar tezroq ko'rsatishi kerak. Eng achinarlisi shundaki, o'tkazib yuborilgan uchta golda ham o'zimiz xatoga yo'l qo'ydik, e'tiborliroq bo'lganimizda yirik hisobda yutqazmas edik”, - deydi Italiano Sky Sport Italia bilan suhbatda.