Xaviga markaziy himoyachi kerak

Diario Sport nashri tarqatgan xabarga ko'ra, Kataloniya klubi rahbariyati «Borussiya» hujumchisi Erling Xolandni sotib olish g'oyasi bilan band. Ammo Xavining fikricha, natijalarni yaxshilash uchun yuqori saviyali markaziy himoyachi olish kerak.

Ispaniyalik mutaxassisga «Sevilya» himoyachisi Jyul Kundening o'yinlari yoqadi. Xavining fikricha, frantsiyalik himoyachi kelajakda kuchli texnikaga ega universal himoyachi bo'lib chiqadi.

Qayd etilishicha, ushbu bitimning amalga oshishi qiyin bo'ladi. Sababi, «Sevilya» har doim Kundeni 80 million evrodan kamiga sotishni xohlamagan. Bundan tashqari, futbolchiga «Chelsi» ham qiziqish bildirmoqda.

Hamma narsaga qaramay, «Barselona» agar kelishuvga erishish uchun moliyaviy imkoniyatlarga ega bo'lsa, Kunde Kataloniya klubini tanlashiga ishonadi.