Xandanovich: «Bu «Milan»ning g'alabasi emas, «Inter»ning mag'lubiyati»

«Inter» darvozaboni Samir Xandanovich Italiya chempionatining 24-turi doirasida bo'lib o'tgan «Milan»ga qarshi o'yin (1:2) borasida o'z fikrini bildirib o'tdi.

«Bu «Milan»ning g'alabasi emas, «Inter»ning mag'lubiyati bo'ldi. O'yin taqdiri bizning qo'limizda edi. Ishimiz yurishayotgan, barcha o'ylagan rejalarimiz amalga oshayotgan edi. Keyin esa xatolarga yo'l qo'ydik va buning uchun jazolandik.

So'nggi 15 daqiqada «Inter»ning o'yini reja bo'yicha ketmadi. Buni diqqat bilan tahlil qilishimiz kerak», – dedi sloveniyalik posbon.

Manba: sports.ru