Saloh: "Bugun Mane bilan raqib bo'lamiz, keyin esa jamoadoshga aylanamiz»

Misr terma jamoasi hujumchisi Muhammad Saloh Afrika Kubogi finalidan oldingi fikrlari bilan o'rtoqlashdi.

«Senegal terma jamoasiga va Sadio Manedek futbolchiga qarshi o'ynash ajoyib. Bugun biz raqib bo'lamiz, keyin esa jamoadoshga aylanamiz.

U bilan finaldan oldin ozroq suhbatlashdik, Marokash terma jamoasiga qarshi uchrashuvda boshidan olgan jarohati haqida so'radim. O'shanda men unga finalda uchrashish niyatida ekanligimni aytgandim.

Terma jamoa tarkibida sovrin yutish o'zgacha narsa. Chempionlar Ligasida g'alaba qozonganimda ham ajoyib his-tuyg'uga ega bo'lgandim. 30 yildan beri bu ishni qilmagan jamoam bilan APL g'olibiga aylandim. Men Shveytsariyada g'alaba qozondim, xullas ko'p joylarda yutdim. Endi esa o'z vatanim tarkibida g'alaba qozonmoqchiman. Umid qilamanki, bugun buni uddalaymiz», – dedi Saloh.

Misr hamda Senegal terma jamoalari o'rtasidagi final uchrashuvi 7 fevral kuni soat 00:00da boshlanadi.