Simeone Xaviga «viizov» tashladi

«Atletiko Madrid» bosh murabbiyi Diego Simeone «Barselona»ga qarshi o'yin arafasida intervyu berdi. Ushbu uchrashuv 6 fevral kuni Ispaniya La Ligasining navbatdagi turi doirasida bo'lib o'tadi.

«2016 yilda Xavi «Atletiko»ning uslubi katta klublarga mos kelmasligini aytgandi. Endi uning jamoasiga o'zi xohlagan o'yinni, o'zi ko'nikkan uslubni berish uchun ajoyib imkoniyat bor. Biz raqiblarimizga muammo tug'diradigan tarzda o'ynashga intilamiz.

Men uning fikrini hurmat qilaman, Xavi «Barselona» safida ajoyib davrlarni o'tkazgan. Uning jamoadoshlari ajoyib futbolchilar edi. Endi u o'zini yaxshi murabbiy sifatida ko'rsatishi kerak. Menimcha, Xavi muvaffaqiyatga erishadi.

Menga «Barselona»ning Xavi qo'l ostidagi o'yini yoqadi. U jamoaga o'ziga yaqin bo'lgan futbol falsafani singdirdi. U o'z jamoasini olg'a siljishi va hali ham ular Kamp Nou o'rganib qolgan uslubda o'ynashi uchun imkoniyat mavjud», - dedi argentinalik murabbiy.