"Barselona" "Chelsi"ning ikki himoyachisini tekinga qo'lga kiritmoqchi

"Chelsi" himoyachilari Sezar Aspilikueta va Andreas Kristensen faoliyatini La Ligada davom ettirishi mumkin. Kataloniyaning "Barselona" klubi "aristokratlar" futbolchilarining xizmatlariga qiziqish bildirmoqda, deb xabar beradi Sport.es.

Manbaga ko'ra, "ko'k-anorranglilar" "Chelsi" bilan yozda shartnomasi tugaydigan ikki futbolchini tekinga olmoqchi. Qayd etilishicha, “Barsa” Aspilikueta bilan shartnoma borasida deyarli kelishib olgan.

Aspilikueta “Chelsi”da 2012 yildan buyon to'p tepmoqda. Ispaniyalik himoyachi joriy mavsumda Premer-liganing 17 o'yinida 2 ta golli uzatmani amalga oshirdi. Transfermarkt himoyachini 11 million evroga baholamoqda.

Kristensen jamoa tarbiyalanuvchisi bo'lib, 2014 yildan beri kattalar jamoasida o'ynaydi. Transfermarkt himoyachini 35 million evroga baholamoqda.