"Surxon" klubi raddiya bildirdi

Ijtimoiy tarmoqlarda "Surxon"ga kelgan uch nafar ispaniyalik mutaxassisda kerakli litsenziya yo'q ekan " rukni ostida xabar e'lon qilindi.

Aslida, ispaniyadan tashrif buyurgan mutaxassislar orasida 3 nafar murabbiyning litsenziyasi yo'q ekan degan ma'lumot noto'g'ridir.

- "Surxon" jamoasiga bosh murabbiy sifatida tashrif buyurgan Fabregat Valmanada UEFA "PRO" litsenziyasi mavjud.

- Sport direktori sifatida kelgan Barosso Gonzalezda ham kerakli litsenziya mavjud va u bemalol klubda sport direktor sifatida faoliyat yuritishi mumkin.

- Analitik murabbiy sifatida tashrif buyurgan Jonathan Egea Lomasda kerakli litsenziya mavjud.

- Jismoniy tayyorgarlik murabbiyi sifatida tashrif buyurgan Jorge Ruiz Ispaniyaning Las palmas universitetini (Las Palmas de Gran Canaria) aynan jismoniy tayyorgarlik bo'yicha fakultetini tamomlagan. Ming afsuski, OFK talabiga ko'ra jismoniy tayyorgarlik bo'yicha murabbiydan "Level-2" litsenziyasi talab qilinadi.  Jorge UEFA tasnifidagi davlatlarda jismoniy tayyorgarlik bo'yicha murabbiy sifatida ishlay oladi.

- Darvozabonlar murabbiyi sifatida tashrif buyurgan Adrian Manuel "Level-1" darvozabonlar murabbiyi litsenziyasiga ega. OFK talabiga ko'ra Superliga klubida darvozabonlar murabbiyidan "Level-3" litsenziyasi talab qilinadi.

Bu yildan to'g'ri tizimda ishlashni va kelasi yili OFK litsenziyasini olishni o'z oldiga maqsad qilib qo'ygan "Surxon" klubi ushbu murabbiylar o'rnini aynan litsenziyasi OFK talabiga javob beradigan mutaxassislar bilan to'ldirishga qaror qildi.

Shuningdek, O'zPFL tomonidan ishlab chiqilgan Musobaqalar reglamenti 6.1 bandida "2023-yilgi mavsumdan boshlab faqat OFK litsenziyalashidan o'ta olgan klublarga Superligada ishtirok etish uchun litsenziya berilishi" ta'kidlab o'tilgan.

Klubimiz muxlislaridan esa, sarosimaga tushmaslikni va ijtimoiy tarmoqlarda chiqarilayotgan norasmiy ma'lumotlarga ishonmaslikga chaqiradi.