Klopp: "Agar unga qiziqish bildirmasam aqldan ozgan bo'lardik"

Angliyaning «Liverpul» klubi «Fulxem» yarim himoyachisi Fabio Karvalyuni sotib olishga yana bir urinib ko'radi.

Bu haqda "mersisaydliklar" bosh murabbiyi Yurgen Klopp aytib o'tdi. Yanvar oyining so'nggi kunida ushbu transfer amalga oshmay qolgandi.

«Ko'ramiz nima bo'lar ekan. Albatta, bu futbolchiga hali ham qiziqishni to'xtatganimiz yo'q. Agar biz Karvalyuga qiziqish bildirmasak, u holda aqldan ozgan bo'lardik. Uni o'z safimizga qo'shib olish faqatgina bizning qo'limizda emas. Menimcha, Marko Silva kecha matbuot anjumanida hamma narsani aytdi. Transfer oynasi yopilayotganini hisobga olsak, kelishuvni amalga oshirish juda qiyin edi. Oxir-oqibat bitim amalga oshmadi. Ammo keyin nima bo'lishini ko'ramiz», - dedi Klopp.