A seriya JCh-2022 paytida Shimoliy Amerikada musobaqa tashkil qiladi

Italiya A seriyasi Qatarda bo'lib o'tadigan jahon chempionati paytida Shimoliy Amerikada 20ta jamoa ishtirokida musobaqa tashkil etish masalasini ko'rib chiqmoqda. Ushbu musobaqa orqali terma jamoaga taklif etilmagan futbolchilar o'z formalarini saqlab turish ko'zda tutiladi.

"Biz hozirda ushbu loyihani o'rganyapmiz. A seriyaning juda ko'p o'yinchilari bir yarim oy davomida o'yin amaliyotisiz qolishadi. Chunki Italiya chempionati 13 noyabrdan yanvar oyi boshiga qadar to'xtatiladi", — dedi A seriya rahbari Andrea Butti Football Italia nashriga bergan intervyusida.