Frenki de Yong: "Menimcha, biz ajoyib holatdamiz"

"Barselona" yarim himoyachisi Frenki de Yong klub rasmiy kanaliga bergan intervyusida "Atletiko"ga qarshi o'yin haqida to'xtalib o'tdi.

"Menimcha, biz ajoyib holatdamiz. Biz ikki haftadan beri mashg'ulot o'tkazdik, tayyorgarlik a'lo darajada o'tdi va buni maydonda ko'rsatamiz.

"Atletiko" – ajoyib jamoa. Bu qiyin o'yin bo'ladi, lekin biz tayyorgarlikni yakunladik va buning samarasini g'alaba qozonish umidida turgan muxlislarimizga ko'rsatamiz.

"Atletiko" – La Ligadagi to'g'ridan-to'g'ri raqib va bu o'yin juda muhim, chunki bu bizga Chempionlar ligasiga yo'l olish imkoniyatini beradi.

O'yindagi rejamiz? Albatta, o'yindagi rejalarimiz haqida ayta olmayman", - dedi yarim himoyachi.