"Barselona" "Kamp Nou" nomini sotadi

Barselona tez orada Spotify musiqiy striming xizmati bilan hamkorlikni e'lon qilishi kerak. Bu haqda ESPN xabar bermoqda.

Manbaga ko'ra, xizmat logotipi klubning asosiy va mashg'ulot liboslarida joylashtiriladi. Xizmat shuningdek, "Barselona"ning uy stadioni "Kamp Nou"ga nom berish huquqini ham oladi. Qayd etilishicha, kelishuv doirasida ispan klubi yiliga 57 million evro oladi.

"Barselona" Ispaniya La Ligasida 21 o'yindan so'ng 35 ochko bilan joriy mavsum turnir jadvalida beshinchi o'rinda bormoqda.