Shakiri «Lion»ni tark etishi mumkin

«Lion» hujumchisi Jerdan Shakiri tez orada frantsuz klubini tark etishi mumkin. Futbolchi ko'proq o'yin amaliyotiga ega bo'lishni xohlaydi.

Mish-mishlarga ko'ra, futbolchi allaqachon «Sion» bilan muzokara olib borgan. Shakirining xizmatlariga nomi oshkor etilmagan MLS klubi ham qiziqish bildirmoqda.

30 yoshli Shakiri joriy mavsumda 16 o'yinda 1 gol urdi va 3 ta golli uzatmani amalga oshirdi. Hujumchining frantsuz klubi bilan shartnomasi 2024 yilda yakuniga etadi. Portal Transfermarkt shveytsariyalik futbolchining bozor narxini 8 million evroga baholamoqda.