Tuxel yana bir bor tig'iz taqvim haqida gapirdi

"Chelsi" bosh murabbiyi Tomas Tuxel yana tig'iz taqvimdan noroziligini bildirdi. Bu safar germaniyalik mutaxassisning da'volari nafaqat Angliya premer-ligasidagi o'yinlar soni, balki terma jamoalarning xalqaro o'yinlari taqvimiga ham qaratildi.

"Taqvim oddiyroq bo'lishi kerak. Bir yilda 67 ta uchrashuv, evrokuboklar, Jahon chempionatlariga saralash, katta kuch talab etiladi. Muxlislar sifatli futbol ko'rishni istashadi va buning uchun futbolchilar sog'lom bo'lishi va dam olishlari kerak", - deya Tuxelning so'zlarini keltiradi ESPN.