Inzagi matbuot anjumanida ko'pchilikni hayratda qoldirdi

«Inter» bosh murabbiyi Simone Inzagi bo'lajak Milan derbisi oldidan o'z fikrlari bilan o'rtoqlashdi.

«Neradzurrilar» ustozining fikricha, A Seriya chempionligi uchun bahs hal qiluvchi ahamiyatga ega bo'lmaydi.

«Bu o'yin hal qiluvchi bo'ladi deb o'ylamayman, chunki oldinda hali ko'p o'yinlar bor. Birinchi davra uchrashuvida nima bo'lganini ko'rdik.

O'shanda biz «Milan»dan 7 ochkoga ortda qolgandik, ammo keyin jadvalda ularni ortda qoldirishga muvaffaq bo'ldik. Bu ham shunday tus olishiga ishonaman», - deydi Inzagi.

Eslatib o'tamiz, ayni dam «Inter» Italiya chempionati turnir jadvalida «Milan»dan 5 ochkoga oldinda bormoqda. Milan derbisi 5 fevral shanba kuni boshlanadi.