"Monako" bosh murabbiyi Golovinning holati haqida gapirdi

“Monako” navbatdagi o'yinda rossiyalik yarim himoyachi Aleksandr Golovinga umid bog'lay olmaydi. Bu haqda jamoa ustozi Filipp Klement aytib o'tdi.

“Hozir Aleksandr betob. Uning tashxisi nima ekanligini hali bilmayman. Yaqin kunlarda u koronavirus infektsiyasi uchun testdan o'tadi”, dedi murabbiy.

Eslatib o'tamiz, monakoliklar navbatdagi o'yinni 5 fevral, yakshanba kuni “Lion”ga qarshi o'tkazadi.

Frantsiya chempionatining joriy mavsumida Golovin 13 ta o'yin o'tkazib, ikkita gol va ikkita golli uzatmaga mualliflik qilgan.