Koronavirus UEFAga qancha zarar keltirgani ma'lum qilindi

UEFA o'zining yillik hisobotini e'lon qildi, unda asosiy e'tibor Evropa klublari futbolining koronavirus pandemiyasi davridagi moliyaviy holatiga bag'ishlangandi.

Hisobotning so'zboshisida UEFA prezidenti Aleksander Cheferin shunday dedi: "2021/2022 yilgi mavsum o'rtasiga yaqinlashar ekan, jamoalarda tiklanish alomatlari bor. Bu butun Evropa bo'ylab o'yinlarni tashkil etish va samarali tibbiy protokollarni ishlab chiqishdagi katta sa'y-harakatlar evaziga erishilgan klublar salomatligining muhim ko'rsatkichidir”.

Hisobotning eng keskin xulosalaridan biri shundaki, yo'qolgan daromadlarning katta qismi - 4,4 milliard evro yoki undan ko'prog'i chipta sotishdan tushadigan daromadning yo'qolishi bilan bog'liq bo'lib, bu daromad oqimi moliyaviy yil - 2020 yilda deyarli yo'q bo'lib ketdi (88 foizga kamaydi)..

Tabiiyki, chipta sotishdan tushgan daromadning yo'qolishi klublarning umumiy moliyaviy holatiga jiddiy ta'sir ko'rsatdi. Hisobot shuni ko'rsatadiki, pandemiyaning 2019/2020 va 2020/2021 yilgi mavsumlarda klub daromadlariga umumiy ta'siri 7 milliard evroni tashkil qilgan.