"Lids" o'z futbolchisi bilan yangi shartnoma tuzishga harakat qilmoqda

"Lids Yunayted" klubi o'z etakchisini jamoada olib qolishga harakat qilmoqda. Xabarlarga ko'ra, klub hujumchisi Rafinyaga yangi shartnoma taklif etadi.

Agar braziliyalik bunga ko'nsa, u holda jamoadagi eng ko'p maosh oluvchi futbolchiga aylanadi. Rafinyaning amaldagi bitimi 2024 yilga qadar tuzilgan.

Hujumchi bu mavsumda 19 ta o'yinda ishtirok etgan. Uning hisobida esa 8 ta gol hamda 2 ta golli uzatma mavjud. Braziliya terma jamoasi a'zosi 2020 yilda "Renn" klubidan xarid qilingan edi.