Villian: "Puldan ham muhimroq narsalar ko'p"

Hozirda o'z vatanida “Korintians” safida to'p surayotgan braziliyalik Villian Londonning “Arsenal” klubidagi faoliyatini esladi.

“Puldan ham muhimroq narsalar ko'p. Meni xursand qiladigan narsaga e'tibor qaratmoqchi edim. O'zim uchun qulay joy topmoqchi edim. "Arsenal"da aynan shu narsa etishmayotgan edi. Men u erda faqat moliyaviy manfaat uchun o'ynashni xohlamadim. Men uchun juda qimmatli narsalar bor", - deya Villianning so'zlarini keltiradi Daily Mail.

Villian "kanonirlar" safida atigi bir mavsum o'tkazdi, shundan so'ng London klubi bilan shartnomasini muddatidan avval bekor qildi.