Marselino: «Barselona» va «Real»ni mag'lub etganimiz «Atletik»ning finalgacha etib borishini anglatmaydi»

«Atletik Bilbao» klubi bosh murabbiyi Marselino Garsiya Toral Ispaniya kubogining chorak final bosqichi doirasida bo'lib o'tgan «Real»ga qarshi o'yin (1:0) borasida o'z fikrini bildirib o'tdi.

«Juda ham xursandman. O'yinchilarning mehnati va muxlislarning qo'llab-quvvatlashidan faxrlanaman. «Barsa» va «Real»ni ketma-ket musobaqadan chiqarib yuborish oson ish emas. Shu bilan birga, hali qiladigan ishlarimiz bor. Ikkita kuchli jamoa ustidan g'alaba qozonganimiz bizni finalgacha etib borishimizni anglatmaydi.

Mo'jizaviy kecha bo'ldi. Hozirdanoq «Atletik» uchun maqsad qo'yishni istamayman. Hozircha futbolchilarning harakatlari evaziga qo'lga kiritilgan g'alaba nashidasini surishni istaymiz, ammo oldinda La liga doirasida bo'ladigan «Espanol»ga qarshi o'yin kutib turibdi. Bu o'yinda g'alaba qozonib, jadvalda yuqoriga ko'tarilishni xohlaymiz», — dedi Marselino.

Manba: championat.com