Afrika Millatlar kubogi. Kamerun – Misr uchrashuvining eng yaxshi futbolchisi aniqlandi

Misr terma jamoasi himoyachisi Muhammad Abdilmo'min Kamerunga qarshi Afrika Millatlar kubogi yarim final uchrashuvining (0:0, penaltilar 3:1) eng yaxshi futbolchisi deb topildi.

Final hushtagi yangragach, unga esdalik mukofoti topshirildi.

23 yoshli futbolchi asosiy va qo'shimcha bo'limlarda jamoasiga o'z darvozasi daxlsizligini saqlab qolishga yordam berdi. Shuningdek, unda penaltilar seriyasida ham bitta aniq amalga oshirilgan urinish bor.

Afrika Millatlar kubogi finalida Misr terma jamoasiga Senegal qarshilik qiladi.