Levandovski Messi va Ronalduni taqqosladi

«Bavariya» hujumchisi Robert Levandovski Lionel Messi va Krishtianu Ronalduni o'zaro taqqosladi.

«Messi – boshqacha futbolchi. U Ronalduga o'xshamaydi. U Krishtianuning yoshiga etganida samaradorligini saqlab qolishi qiyin bo'ladi. Hattoki hozir ham u o'z natijalari bilan maqtana olmaydi. Uning natijalari aql bovar qilmas edi, hozir esa unday emas.

Ronaldu esa klub yoki ligalarning o'zgarishiga oson moslashadi. Messi esa borgan sari qiynalmoqda. U butun umr Ispaniyada, jonajon klubida o'ynagan. Hozir u o'zgarmoqda. Bundan tashqari, til bilan bog'liq muammo mavjud. Bularning barchasi o'z ta'sirini ko'rsatadi», - dedi Robert.