Levandovski: «Ronaldu mendan 3,5 yosh katta, lekin...»

Polsha terma jamoasi va Myunxenning «Bavariya» klubi hujumchisi Robert Levandovski Portugaliya terma jamoasi va «Manchester Yunayted» hujumchisi Krishtianu Ronaldu haqida o'z fikrlari bilan o'rtoqlashdi.

«Krishtianu mendan 3,5 yosh katta, lekin u baribir gol urishda davom etmoqda. U yozda «Manchester Yunayted»ga o'tdi va hozirda ushbu klub etakchisi hisoblanadi.

Ronaldu yaxshi statistikaga, takrorlanmas rekordlarni o'rnatishga qodir. U endi bir yilda 60 ta gol urmasligi mumkin, ammo 30 yoki 40 ta gol urishga kuchi etadi», — dedi polshalik.

5 fevral kuni 37 yoshga to'ladigan portugaliyalik futbolchi joriy mavsumda «Yunayted» safida 24 ta o'yinda maydonga tushib, 14 ta gol urdi va 3 ta golga assistentlik qildi.