Lingard Grinvud bilan bog'liq vaziyat tufayli "Manchester Yunayted"ni tark etmadi

"Manchester Yunayted" bosh murabbiyi Ralf Rangnik yarim himoyachi Jessi Lingard nima uchun qishki transfer oynasida boshqa jamoaga o'tmaganini aytdi.

“Dushanba kuni kechqurun direktorlar kengashi menga Lingard qolishni afzal ko'rishlarini aytdi. Grinvud tufayli va hech qanday klub bilan kelishuv bo'lmagani uchun", - deya Rangnik so'zlarini keltiradi Mundo Deportivo.

29 yoshli futbolchining “Manchester Yunayted” bilan shartnomasi 2022 yilning 30 iyuniga qadar mo'ljallangan. Transfermarkt portali angliyalik futbolchini 20 million evroga baholamoqda.

Yarim himoyachi joriy mavsumda “Manchester Yunayted” safida 14 ta o'yinda maydonga tushib, 2 ta gol urdi va 1 ta golli uzatmani amalga oshirdi.