Pogba MYuni erkin agent sifatida tark etmoqchi

Yarimhimoyachi Pol Pogba yozda «Manchester Yunayted»ni erkin agent sifatida tark etadi. Bu haqda ESPN xabar bermoqda.

28 yoshli futbolchi «Real»ga o'tishga harakat qilmoqda. Shu bilan birga, unga «PSJ» va «Yuventus»dan ham qiziqish bildirgan.

Joriy mavsumda «Manchester Yunayted» yarimhimoyachisi APLning 9 ta uchrashuvida 7 ta golli uzatmani amalga oshirdi.

Avvalroq, «Manchester Yunayted» Pogbadan kelajagi bo'yicha qarorni yangi bosh murabbiy tayinlangunga qadar qoldirishni so'ragani xabar qilingandi.