Ronaldu «MYu»dagi taqdirini yangi murabbiy tayinlangach hal qiladi

Krishtianu Ronaldu «Manchester Yunayted» bilan tuzilgan shartnomasining oxiriga qadar klubda qolishi aniq emas.

"ESPN" xabar tarqatishicha, portugaliyalik futbolchi 2022 yilning yozida klubga yangi murabbiy tayinlanishi kutadi va shundan so'ng o'z kelajagi borasida bir qarorga keladi. Shu bilan birga, jamoaga yangi keladigan murabbiy Ronaldu bilan hamkorlik qilishdan voz kechishi ham mumkin. Eslatib o'tamiz, Krishtianu 5 fevral kuni 37 yoshga to'ladi. Shu bois, Ronaldu kelasi mavsumda ham "MYu" safida to'p tepishiga hech qanday kafolat yo'q.

Krishtianu Ronaldu Angliya chempionatining joriy mavsumida 18ta o'yinda ishtirok etib, 8ta gol muallifiga aylandi.