Rasman! Duglas Kosta MLS jamoasiga ko'chib o'tdi

"Los-Anjeles Gelaksi" "Yuventus" hujumchisi Duglas Kostani ijaraga oldi, deya xabar beradi jurnalist Fabritsio Romano.

31 yoshli braziliyalik keyingi 6 oyni AQSh klubida o'tkazadi, shundan so'ng u jamoa bilan 2 yillik shartnoma imzolashi mumkin.

Qayd etilishicha, futbolchi Los-Anjelesga shanba kuni etib boradi va tibbiy ko'rikdan o'tadi.

Ma'lumot uchun, 2021 yilning may oyidan beri Kosta Braziliyaning "Gremio" jamoasida ijara asosida o'ynayotgan edi. U o'tgan mavsumda jamoa safida 28 o'yinda 3 gol va 2 golga assistentlik qilgan.