"Milan" futbolchisi bilan shartnomani uzaytiradi

Yarim himoyachi Ismoil Bennaserning "Milan" bilan shartnomasini uzaytirish bo'yicha muzokaralar yakuniy bosqichida, deb xabar berdi jurnalist Nikolo Skira.

Manbaga ko'ra, kelishuv yiliga 3,2 million evro maosh bilan 2026 yilgacha tuziladi. Amaldagi shartnomaga ko'ra, 23 yoshli jazoirlik futbolchi yiliga 1,5 million evro oladi.

Transfermarkt.ru portali futbolchining narxini 30 million evroga baholamoqda.

2021/22-yilgi mavsumda Bennaser “Milan” safida barcha turnirlarda 25 ta o'yinda maydonga tushib, bitta gol urdi va bitta golli uzatmani amalga oshirdi.