Laporta “Barselona”ning yangi mavsumdagi maqsadlari haqida gapirdi

“Barselona” prezidenti Joan Laporta jamoaning yangi hujumchisi Per-Emerik Obameyangning taqdimotida Kataloniya klubining joriy mavsumdagi maqsadlari bilan o'rtoqlashdi.

“Biz La Liga va Evropa Ligasida g'alaba qozonishni istaymiz. Agar bunga erisha olmasak, vaziyatga baho beramiz va keyin nima qilishni hal qilamiz”, - dedi Laporta.

“Barsa” prezidenti yanvar oyidagi transfer oynasidagi ishlari haqida ham fikr bildirdi.

“O'ylaymanki, klubning hozirgi holatidan kelib chiqib, bizda ajoyib transfer oynasi o'tkazdik”, deya qo'shimcha qiladi Joan.

Eslatib o'tamiz, yanvar oyida kataloniyaliklar Dani Alves, Ferran Torres, Adama Traore va Obamyaeng bilan shartnoma imzolashgandi.