Kulushevski nega “Tottenxem”ga o'tgani sababini tushuntirdi

“Tottenxem”ning yangi futbolchisi Deyan Kulushevski muxlislarga “shporlar” lageriga o'tishning asl sababi haqida gapirib berdi. Futbolchining aytishicha, uning tanloviga ko'p jihatdan klub bosh murabbiyi Antonio Konte ta'sir qilgan.

“Murabbiy bilan ishlashni istadim. Konteni “Inter”dagi faoliyati orqali yaxshi bilaman. Ko'p jihatdan men ushbu mutaxassis sabab “Tottenxem”ga o'tdim. Men Konte bilan ishlashni sabrsizlik bilan kutaman”, - deya Kulushevskining so'zlarini keltiradi “Tottenxem” rasmiy sayti.

Eslatib o'tamiz, shvetsiyalik hujumchi “shporlar” lageriga sotib olish optsiyasi bilan 18 oylik ijara asosida o'tgan.