Feliks transferi bo'yicha tekshiruv boshlandi

Portugaliya prokuraturasi hujumchi Joau Feliksning «Benfika»dan «Atletiko Madrid»ga o'tishi bo'yicha tekshiruv o'tkazmoqda, deb xabar beradi AS.

Feliks 2019 yilning yozida 127 million evro evaziga «Atletiko»ga o'tgan edi. Portugaliyada ular bu transferni moliyaviy firibgarlik bilan amalga oshirilishi mumkin, deb gumon qilmoqdalar.

Tergov «Atletiko»ning Portugaliya klubiga «kelishuvni moliyalashtirish xarajatlari» sifatida 6 million evro to'lagani bilan qiziqmoqda. Shuningdek, futbolchining agentlari Xorxe Mendesh va Manuel Moreyra de Saga 12 million evro komissiya to'lagani ham tekshirilmoqda. Birinchisiga 9 million evro, ikkinchisiga 3 million evro berildi.

Shuningdek, futbolchining o'zi soliq to'lashdan bo'yin tovlaganlikda gumon qilinmoqda.