«Barsa» peshqadam, «Real» ikkinchi – UEFA 2020 yilning eng serdaromad klublari reytingini e'lon qildi

UEFA Evropa klublarining 2020 yildagi moliyaviy ahvolini tahlil qilib chiqqach, jamoalarning  moliyaviy hisobotini e'lon qildi.

Ahamiyatli jihati shundaki, bu davrda Evropa klublari ichida inqirozli holatlariga qaramay, eng ko'p daromad olgan jamoa bu Kataloniyaning «Barselona» klubi bo'lgan – 730 million evro. 2-o'rindan Madridning «Real» klubi joy olgan bo'lsa, kuchli uchlikni Myunxenning «Bavariya»si yakunlab bergan.

Yana bir jihat, Rossiyaning «Zenit» klubi 214 million evro daromad bilan kuchli yigirmatalikdan joy oldi. Bu rus klublari orasida ilk yaxshi ko'rsatkich hisoblanadi.

Top-20dagi klublarning moliyaviy daromadlari «Leypwig», «Valenciya» hamda «Everton»ni hisobga olmaganda, 2019 yil bilan solishtirganda biroz kamaygan. Faqat shu uch jamoada daromad miqdori oshgan. Kuchli o'ntalik bilan tanishing:

1. Barselona, Ispaniya – 730 mln evro;
2. Real Madrid, Ispaniya – 715 mln evro;
3. Bavariya, Germaniya – 634 mln evro;
4. Manchester Yunayted, Angliya – 580 mln evro;
5. PSJ, Frantsiya – 560 mln evro;
6. Liverpul, Angliya – 559 mln evro;
7. Manchester Siti, Angliya – 553 mln evro;
8. Chelsi, Angliya – 465 mln evro;
9. Tottenxem, Angliya – 459 mln evro;
10. Yuventus, Italiya – 401 mln evro.