Komiljon To'xtaev: «Menga bildirilgan ishonch uchun barchaga rahmat!»

Bugun Pekin qishki sport turlari bo'yicha dunyoning eng kuchli atletlarini jamladi. Ular orasida O'zbekiston vakili Komiljon To'xtaev ham bor.

O'zining ikkinchi Olimpiadasida ishtirok etish uchun Chin o'lkasiga etib borgan Komiljon dastlabki taassurotlari bilan o'rtoqlashdi. O'z navbatida sportchimiz, uni qo'llab-quvvatlab turgan barcha hamyurtlarimizga va Prezidentimizga minnatdorchilik bildirdi.

"Qo'llab-quvvatlayotganingiz uchun rahmat. Kayfiyatlar a'lo. Olimpiadada ishtirok etishga va o'zimning eng yaxshi natijamni ko'rsatishga tayyorman", — dedi sportchi.