Edinson Kavani «River Pleyt»ga o'tmaydi

«Manchester Yunayted» hujumchisi Edinson Kavani Argentinaning «River Pleyt» klubiga o'tmaydi. Bu haqda taniqli insayder Fabritsio Romano «tvitter» orqali xabar tarqatdi.

Manbaga ko'ra, ushbu transfer hech bir tomonni qiziqtirmagan va bu borada muzokaralar o'tkazilmagan. Urugvaylik futbolchi mavsum oxiriga qadar Manchesterda qolishga rozi bo'lgan. Forvard o'zining kelajagi borasidagi qarorni may oyida qabul qiladi. Kavani La ligada to'p tepishni istamoqda.

Kavanining «Manchester Yunayted» bilan shartnomasi 2022 yilning iyun oyiga qadar tuzilgan.